.

Oinutsik nagoela amesten dut maiz

Oinutsik hirian

Errepidean

Zebra bideetan

Kaleko lauzak azalaren kontra

Oinak busti

Zikin

Arriskuen aurrean errendituta

Abiadura modernoen biktima

Oinutsik

Oin

(h)utsik

.

Batzuetan biluzik nagoela ere amesten dut

Haizea azalaren kontra,

Azala haizearen kontra

Borroka amaigabe bat

(Ez dadila inoiz amaitu)

Dena zakar gorputzaren leuntasunarekin dantzan

Hiriaren erpin mingarriak

aldaken kurba goxoak

Autoen soinu bortitzak

xuxurlen laztan ixilak

.

Zapatak eta berokiak

Oinutsik doan neska

Biluzik doana

Korrika

Ihesi

Begirada azkarrak eta hizkuntza ezezagunak

Geldirik geratzen den neska

Begira geratzen dena

Hitzik esan gabe

Lauza apurtuetan sortzen diren putzuak

Oin buztiak

Orkatila zikinak

Gorputz zaurituak

Zauri gorpuztuak

Hirian

Bakarrik

Biluzik

Oinutsik

Oin

(h)utsik

.

2025eko azaroa